Kóshpeli otyrysta Qostanaı oblysynyń aýyl sharýashylyǵy jáne mal sharýashylyǵy ónimderin tereń óńdeýdi damytý, agroónerkásiptik keshende joǵary bólinis deńgeıindegi ónim óndirý kólemin arttyrý, ónerkásipti damytý jáne ınnovasııalar, óńir ónerkásibin ártaraptandyrý, jańa tehnologııalardy engizý jáne kásiporyndardyń básekege qabilettiligin arttyrý, óńirlik ǵylymdy qoldaý jáne tehnologııalar transferi, óńirdiń ǵylymı qyzmetin kúsheıtý, óndiriske kadr daıarlaý, adamı kapıtaldy damytý, ónerkásipke ekologııalyq turǵydan ornyqty tehnologııalardy engizý, óndiris pen agrosektordy sıfrlyq transformasııalaý, óńir ekonomıkasyna, sonyń ishinde aýyl sharýashylyǵyna zamanaýı sıfrlyq sheshimder men jasandy ıntellektini engizý tárizdi máseleler qaraldy.
Aqylbek Kúrishbaev osy ýaqytqa deıin mundaı otyrystar 8 oblysta ótkenin, onda aımaqtyq ǵylymdy damytý máseleleri agrarlyq, medısınalyq, munaı-hımııa, kólik logıstıkasy men ıadrolyq energetıka ǵylymdaryna basa nazar aýdaryla otyrylyp talqylanǵanyn aıta kelip, Qostanaı oblysynda óńirlik ǵylymdy damytýǵa baǵyttalǵan sharalarǵa toqtaldy.
«Búgingi otyrysymyzdyń kún tártibine qoıylyp otyrǵan másele – Qostanaı oblysyndaǵy aımaqtyq ǵylymdy damytýdy shıkizat óńdeý men aımaq ekonomıkasynyń turaqty damýyn qamtamasyz etý máselelerimen úılestire otyryp qaraý. Bul túıtkilder kún tártibine kezdeısoq qoıylǵan joq. Sebebi olar qazirgi tańdaǵy eń ózekti máselelerdiń birine aınalyp otyr. О́ńirde óńdeý salasynda qosymsha qun qalyptastyrýdyń paıdalanylmaǵan zor áleýeti bar. Bul óndiris tıimdiligin odan ári arttyrýǵa jáne júıeli negizde ımportty almastyrý máselesin sheshýge múmkindik beredi. Memleket basshysy osy máselege erekshe nazar aýdaryp, úsh jyl ishinde AО́K-degi óńdelgen ónim úlesin 70%-ǵa deıin arttyrý mindetin qoıdy. Bul AО́K-ni ǵylymı-tehnologııalyq jańǵyrtýdy, sıfrlyq sheshimderdi engizýdi, úzdik álemdik tájirıbelerdi paıdalanýdy jáne klımattyq ózgeristerge beıimdelýdi talap etedi. Qostanaı oblysy – aýyl sharýashylyǵy jer kólemi 10 mln gektardan asatyn, elimizdegi eń iri agrarlyq óńirlerdiń biri jáne eleýli ındýstrııalyq áleýetke ıe. О́ńirdiń ornyqty damýy ǵylymı turǵydan negizdelgen sheshimderdi, klımattyq táýekelderge beıimdelýdi, resýrstardy utymdy paıdalanýdy, emıssııany azaıtýdy jáne ekologııalyq tehnologııalardy engizýdi qajet etedi», dedi Aqylbek Kúrishbaev.
Qostanaı oblysy
